Praktika ona

Praktiketan ginela, 6. mailako ikasleekin egin genuen lan. Kurtso honetako irakasle guztiek (gela bakoitzeko tutore eta laguntzaileek) urte osoan zehar egindakoa praktikan jartzeko (zeharkako moduan landu ahal izatekoa) eginkizun bat proposatu zuten: ikasleek kurtso amaierarako festa bat antolatzea. Guzti hau gauzatu ahal izateko, gela bakoitzak (irakasleak nahi duen moduan egokituta) sei klase ordu eskainiko zizkion ikasleei jarduera burutu ahal izateko eta horixe bera ikasgelan egin beharko zuten.

Ikasleen egitekoa, kurtsoaren azken eguneko festa eratzea izan zen. Ikasleek euren artean festa nola antolatu adostu behar izan zuten; horretarako, eginkizunak banatu behar izan zituzten talde ezberdinak osatu ondoren. Nahiz eta ikasleek baliabideak haien kabuz bilatu behar zituzten, eskolak zenbait irizpide azaldu zizkieten: 100€ izango zituzten presupuesto, musika aparatua eskuragarri izango zuten (musika, aldiz, ez), janariak ezingo zuen glutenik izan eta gonbidapenak egin beharko zituzten eskolatik kanpoko jendea ekitaldira joan ahal izateko.

Lehen esan bezala, honekin guztiarekin urtean zehar egindakoa praktikan jartzea lortu nahi zuten eta landutako zenbait gauza hurrengoak ziren: hizkuntza komunikaziorako konpetentzia (kideekin adosterako garaian berbaldia jartzen baitzuten prozesuan), matematikarako konpetentzia (festa antolatzeko garaian, erosi beharreko guztia kalkulatzearena kontuan izan behar baitzuten), gizarte eta herritartasunerako konpetentzia (gainontzeko kideekin jarrera egokia izaten eta adostasunetara iristean, gizartean bizitzen ikasiko zutelako), arduraz bizitzen ikasteko konpetentzia (bakoitzak dagokion lanari ekin behar zionean, horixe berak izango zuen bere lanarekiko ardura, eta bizitzan zehar beste zenbait egoeren aurrean arduratsua izaten erakutsiko baitzion), eta elkarrekin bizitzen ikasteko konpetentzia (azken-finean, guztien artean lana burutu ahal izateko, elkarlanean errespetuzko jarrera mantendu behar baitzuten).

Finkatutako helburuak aproposak ziren ikasleentzat, baita eskola girorako ere, honek ikasleen hezkuntza garatzen laguntzen baitzion. Gainera, betebeharreko puntu guztiak norbere helburu zehatza zuen eta finkatutako bakoitza bete ziitekeelakoan hautatuta zegoen. Guzti honenik ikasleek zerbait ikasiko zutela ziurtatzen zen eta ikasitakoa luzarorako mantenduko zitzaiela ere baieztatu zitekeen; bizitzan zehar gerta daitezkeen egoera desberdinetara egokitu zitezkeen ikasitako jarduerak. Hala ere, praktikan lortzea espero zena betetzen ez bazen ere, beti egongo litzateke bertatik ikasi zuten zerbait, bai ondo egindakotik ikasiak eta baita akatsak berriro ere ez gauzatzetik ikasiak ere. Beste aldetik, kidetasunaren eta elkarlanaren giroa sortzea espero zen, guztien artean proiektuan parte hartzerako garaian. Hortaz gain, tutoreen eta gainontzeko irakasleen arteko harremana zuzena eta adostasunezkoa izan beharko zen proiektua martxan jarri eta aurrera eraman ahal izateko.

Egitekoa martxan jarri ahal izateko, lehenik eta behin lortu nahi ziren helburuak finkatu behar ziren. Ondoren, helburu horiek lortzeko zein eginkizun bete behar zen zehaztu, eta eginkizun bakoitzeko ikasle talde bat sortuko zen. Jarraian, eginkizun bakoitza gauzatu ahal izateko, talde bakoitzak baliabideak bilatu beharko d
zituen. Azkenik, proposatutako helburu guztiak bete ondoren, ikasleak dena bateratzeko prest egongo ziren.

Lana bukatu eta gero, ebaluazioari ekiteko garaia izan zen. Bertan, talde lanaren sustapena, jarrera, jarduerarekiko interesa, kalkulu matematikoen garrantzia eta hauexek ondo egiten zekiten ikusi, informazio bilketaren txukuntasuna, ideiak ordenatzeko gaitasuna, lanarekiko koherentzia, ardura, eta errespetua eta asertibotasuna bezalako joerak izango ziren kontuan.

   

Praktika ona from Mirentxuu

IKT-ak Amara Berri Eskolan

Urriaren 6ko astelehen arratsaldean, Amara Berri Ikastolatik Amando izeneko maisu bat etorri zen bertan hezkuntzarekin batera izaten duten IKTari buruzko hitzaldi bat ematera. Esan zigun bezala, teknologiaren erabilpenari paper garrantzitsua eskaintzen diete, eta hori guztia nonbaiten islada daitezen, ikastolako web orrian argitaratzen dituzte egindako proiektu guztiak (www.amaraberri.org), hauxe bera egunero eguneratzen dutelarik.

Hasteko, plano orokor batean zentroaren deskribapen bat egin zigun. Nahiz eta Amara Berri ikastola soil bat izan, bi eraikinetan banatuta dagoela azaldu zigun; bata Morlans eta bestea Ferrerias izenekoak. Gainera, bi espazio hauek naiz eta berdinak izan (gela kopuru berdinak dituztelarik), ikaslegoa nahasturik mantentzea aberasgarriagoa gerta daitekeela uste dute; hau da, arraza desberdineko haurrak edota euskara edo gaztelaniako hiztunak nahasturik mantentzean, batak besteari gauza ezberdinak erantsi diezaieketela pentsatzen dute.

Amara Berrik egunkari bat du non egunero 4 ikasle izaten dira arduradun eta bertako atal guztiak (hala nola, elkarrizketak, asmakizunak, txisteak, berriak...) sortzen dituzten; egunkaria egiten hasi aurretik, paper bat bete behar dute plangintza moduan. Hau, hitzak esaten duen bezala, egunero argitaratzen den lan bat da (web orrian ipintzen dute eta ikasle bakoitzari txuri-beltzeko kopia bana ematen diete) eta argilalpena bi eraikinen artean tartekatzen da (egun bateak Morlanseko ikasleak arduratzen dira, eta hurrengo egunean, Ferreriasekoak).

Beste aldetik, irrati saila ere badute. Saio hauek ikastolako web orrian zein Amara Berri aldeko irrati kanalean soilik entzun daitezke. Lana banaturik eta antolaturik dagoenez, ikasle batzuk mezuak transmititzeaz arduratzen dira, eta beste batzuk, ordea, musika eta soinua manipulatzeaz.

Lehen aipatu bezala, ikastolak ikasle ugariak nahasturik ditu, bertan haur gorrak ere daudelarik. Hauek normalean telebista sailean agertzen dira, horrela azpihizkiak agertu daitezen. Hemen ere, ikasleek haien artean lana banaturik dute, eta batak kamara aurrean prestatutako saioa eskaintzen duen bitartean,  besteak grabatzeari ekiten dio, besteak beste. Orainarte azaldutako ekintza guztiak gela berean gauzatzen dira baina hauxe bera zatitan banatuta dagoelarik (irratia, telebista, prentsa...).

Azkenik, txikiweb-a dute, bertan Morlans-eko eta Ferreriaseko ikasleek (egun bakoitzean tokatzen zaionari) nahi dutenari buruzko testuak idazten dituzte; hala nola, haien lagunei, gustoko ekintzei, animaliei... buruz hitz egiten dute.

Laburbilduz, gaur egungo garaian IKT-a oso mulgilduta dago hezkuntza sailan, baina ez dute denek erabiltzen beharko litzatekeen bezainbeste. Amara Berri Eskolak, aldiz, oso barneratuta ditu teknologia berriak irakasterako garaian eta ikasleak haien kabuz gailu berriekin harremanetan jartzea sustatzen du.